Në përputhje me Planin e Veprimit për përcaktimin e kritereve për regjistrin e banorëve në Kujdesin Parësor Shëndetësor, Ministria e Shëndetësisë njofton se sot fillon Projekti për Përzgjedhjen e Mjekut Familjar brenda zonës së banimit.
Ky projekt, pas periudhës testuese në katër komuna dhe regjistrimit të popullsisë për përcaktimin e numrit të saktë të banorëve, fillon sot të zbatohet në të gjithë territorin e Republikës së Kosovës. Si fillim, do të zgjasë 100 ditë, ndërsa projekti i plotë pritet të përfundojë deri në fund të vitit 2025.
Sipas MSH-së, ky plan ka për qëllim krijimin e një liste të saktë të banorëve dhe pacientëve për mjekët familjarë, duke u fokusuar në një organizim më efektiv të shërbimeve shëndetësore.
Tutje thuhet se krijimi i kësaj liste do të lehtësojë identifikimin e pacientëve me nevoja specifike shëndetësore, duke u mundësuar mjekëve të ndjekin nga afër historikun e tyre, për parandalim dhe trajtim më cilësor të sëmundjeve.
“Ministria e Shëndetësisë fton qytetarët që të shfrytëzojnë mundësinë për të përzgjedhur mjekun familjar përmes Platformës shtetërore E-KOSOVA!. Informacionet për mënyrën e aplikimit do të publikohen rregullisht në faqen zyrtare të Ministrisë së Shëndetësisë në Facebook dhe në të gjitha objektet e Kujdesit Parësor Shëndetësor në Kosovë”, njofton Ministria e Shëndetësisë./Arbresh.info/
Manipulimet e Vuçiqit ndaj Forcave të Armatosura të Kosovës,...
Pensionohet Komandanti i Gardës Kombëtare të FSK-së, gjenera...
Adrola Dushi vishet me të zeza
Konjufca priti në takim rrjetin e shoqatave ROSCAP, pranoi n...
Kurti thotë se Serbia po e shkel marrëveshjen: Borrelli e La...
Edon Zhegrova në mesin e më të vlerësuarve në top pesë ligat...